Մհեր Մկրտչյան արտիստական թատրոնը հիմնադրվել է 1986 թվականին՝ ԽՍՀՄ ժողովրդական արտիստ Մհեր Մկրտչյանի ջանքերով: Ի սկզբանե այն կրել է Վարդան Աճեմյանի անունը, իսկ Մհեր Մկրտչյանի մահից հետո թատրոնը վերանվանվել է նրա անունով:

1993 թվականին Մհեր Մկրտչյանի մահից հետո թատրոնը դադարեց գործել:

2004 թվականի հունիսի 10-ին իր հյուրընկալ դռները հանդիսատեսի առջև բացում է ՀՀ ժողովրդական արտիստ Ալբերտ Մկրտչյանը, Գ. Գ. Մարկեսի «Սիրային նախատինք բազկաթոռին նստած ամուսնուն» պիեսի բեմադրությամբ և մինչև 2015 թվականը զբաղեցնում է թատրոնի գեղարվեստական ղեկավար պաշտոնը։

Իսկ 2015-2023 թվականը նրան փոխարինում է Մհեր Մկրտչյանը։

2024 թվականի հունիսի 12-ին թատրոնն իր հյուրընկալ դռները բացեց թատերասեր հանրության առջև: Թատրոնի տնօրենի ժամանակավոր պաշտոնակատար նշանակվեց թատրոնի ռեժիսոր, դերասանուհի Տաթևիկ Մելքոնյանը, ում ղեկավարմամբ թատրոնի խաղացանկը համալրվում է բազմաժանր բեմադրություններով․ դրանք հետաքրքրում են թե՛ կրտսեր, թե՛ ավագ հանդիսատեսին:

Այսօր վերածնված թատրոնի ստեղծագործական կազմը շարունակում է հայ թատրոնի և կինոյի մեծանուն վարպետ Մհեր Մկրտչյանի արվեստի ավանդույթները: