Ներկայացումը պատմում է մի կնոջ մասին, ում կյանքը ճակատագրի հեգնանք է, անցած ուղին՝ նսեմացնող ու մարդկային արժանապատվությունը ոտնահարող։ Նրա միակ երազանքը ընտանիք ունենալ է՝ անկեղծ սիրով, ջերմությամբ ու հոգատարությամբ պարուրված։ Նա ունի իր օրենքները, որով պայքարում է ու հաղթահարում կյանքի խոչընդոտները։ Նա ուժեղ է, վճռական, թեև ունի նուրբ հոգի՝ մարդկային բարձր արժեքներով լեցուն։
Նա պայքարում է մոր, կնոջ արժանապատվության, ընտանիքի, սիրո և սոցիալական անարդարության և իր երեխաների արժանապատիվ ապագայի համար։ 
Նա Նեապոլցի ՖԻԼՈՒՄԵՆԱ ՄԱՐՏՈՒՐԱՆՈՆ Է։

Բեմադրիչ  և երաժշտական ձևավորման հեղինակ՝ Լյուդվիգ Հարությունյան
Դերերում՝ ՀՀ վաստակավոր արտիստ՝ Տիգրան Գաբոյան, Տաթևիկ Մելքոնյան, Արամ Բախչինյան, Գարիկ Առաքելյան, Վազգեն Մկրտչյան, Մարի Գրիգորյան, Գեորգի Հովակիմյան, Լուսինե Ավանեսյան, Միլենա Ավանեսյան, Սարգիս Վարդևանյան, Ռուդիկ Մարտիրոսյան
Բեմանկարիչ՝ Իվանա Կրչադինաց
Զգեստների նկարիչ՝ Տաթևիկ Մելքոնյան
Լուսային ձևավորում՝ Էրիկ Բադալյան
Պաստառի հեղինակ՝ Իվանա Կրչադինաց
 

«Երկաթ ծամեմ»
Էլվինա Մակարյանին նվիրված ներկայացում՝ հիմնված իրական փաստերի վրա

Փակ բնակարան Երևանում։ Խորհրդային Հայաստանը փլուզվում է, իսկ տնային կալանքի ենթարկված երգչուհին սպասում է։ «Երկաթ ծամեմ»-ը պատմում է արգելված երաժշտի՝ հայրենիքում անցկացրած վերջին օրերի մասին։

Ներկայացումն ուղեկցվելու է անգլերեն ենթագրերով։
Դերերում՝

Լուսինե Ավանեսյան 
Մարի Գրիգորյան 
Դիանա Ռազիե 
Թելման Խաչատրյան 
Անդրանիկ Աբրահամյան 

Հեղինակ՝ Անահիտ Ղազարյան 
Բեմադրիչ՝ Նադեժդա Իսրաելյան 
Երաժշտությունը՝ Հայկ Կարոյի 
Ազդագիրը՝ Նունե Խուդավերդյանի
Բեմանկարչության ինժեներ՝ Արեգ Միրիջանյան 
Պրոդյուսերներ՝ Էդվարդ Մխիթարյան, Ջեմմա Սահակյան 
Նախագծի գեղարվեստական խորհրդատու՝ Միշա Չարկվիանի

Նախագիծն իրականացվում է South Caucasus Documentary Theater Network-ի շրջանակներում, որը կազմակերպել է Open Space | Տեսողական և կատարողական արվեստի կենտրոնը Շվեյցարիայի զարգացման և համագործակցության գործակալության ֆինանսական աջակցությամբ։

Ըստ Հ. Թումանյանի համանուն հեքիաթի

Մանկական ստվերային ներկայացում
Հեքիաթը պատմում է մի բարի մարդու մասին, ում նախաձեռնած ցանկացած
գործ ձախողվում է, անհաջողության մատնվում, քանի որ գործում է չմտածված:
Ամբողջական ծրագիրն իր մեջ ներառում է՝
Ստվերային թատրոնի համառոտ պատմություն
Ստվերային ներկայացում
Խաղ 

Ստվերախաղքի տիկնիկների պատրաստում և փորձարկում
Վարպետաց դասի ընթացքում պատրաստված գունավոր տիկնիկները
երեխաները տանում են իրենց հետ։ 
Բեմականացումը՝ Արև Հայրապետյան
Տիկնիկավարներ՝ Հայրապետ Հակոբյան, Վարդգես Ղազարյան, Արև
Հայրապետյան

Ըստ Հ. Թումանյանի համանուն հեքիաթի
Մանկական ստվերային ներկայացում 
Հեքիաթը պատմում է մի շատ ծույլ աղջկա ու նրա մոր մասին, ով կարողանում է իր խորամանկությամբ հարթել աղջկա բոլոր խնդիրները: 
Ամբողջական ծրագիրն իր մեջ ներառում է՝
Ստվերային թատրոնի համառոտ պատմություն
Ստվերային ներկայացում
Խաղ 

Ստվերախաղքի տիկնիկների պատրաստում և փորձարկում
Վարպետաց դասի ընթացքում պատրաստված գունավոր տիկնիկները
երեխաները տանում են իրենց հետ։ 
Բեմականացումը՝ Արև Հայրապետյան
Տիկնիկավարներ՝ Հայրապետ Հակոբյան, Վարդգես Ղազարյան, Արև
Հայրապետյան 
 

Հոգեբանական դրամա մեկ գործողությամբ

Ներկայացման գործողությունները տեղի են ունենում երկու զուգահեռ իրականությունում՝ անցյալում և ներկայում: Մի իրականությունում երիտասարդ գրող Պիեռը ողջ է, մյուսում՝ մահացած: Աննան՝ նրա կինը, կասկածում է ամուսնուն դավաճանության մեջ, ինչի մասին Պիեռի մահվանից հետո զրուցում թե՛ ընտանիքի մտերիմ ընկեր՝ Դանիելի հետ, թե՛ դերասանուհի Լոռա Դամի հետ, ում հետ, իր ենթադրությամբ, դավաճանել է ամուսինը: Հեղինակն այնպես է խճճել իրադարձությունները, որ դժվար է հասկանալ՝ որն է իրականությունը, որը՝ մտացածինը: Այս պատմությունը սիրել չկարողանալու մասին է: Մարդիկ ցավ են պատճառում իրենց մտերիմներին, անկախ նրանից թաքցնում են իրականությունը, թե ոչ:

Բեմադրիչ՝ Տաթևիկ Մելքոնյան
Դերերում՝ Տաթև Հովակիմյան, Հարություն Հովհաննիսյան, Թելման Խաչատրյան, Վալենտինա Դավիթավյան
Բեմանկարչություն, հագուստների ձևավորում, երաժշտական ձևավորում՝ Տաթևիկ Մելքոնյան
Պաստառի ձևավորում՝ Իվանա Կրչադինաց
Լուսանկարիչ՝ Լիլիթ Ղազարյան
Լուսային նկարիչ՝ Արա Գասպարյան
Թարգմանիչ՝ Նունե Աբրահամյան
 

Անի Առաքելյան
Մոնոներկայացում
Ներկայացում մի մարդու մասին, ով կյանքի որոշիչ փուլում հանձնվելու փոխարեն ընտրում է ապրել: Նրա յուրաքանչյուր քայլ պայքար է՝ միտված կյանքը հասկանալուն:  Նա մարդ է, ով փորձում է ներդաշնակ լինել ինքն իր հետ, սիրել կյանքը և վերջապես գտնել վայրը, որտեղ կունենա «տանը» լինելու զգացողություն: Ներկայացումը միայնակ մարդու մտքերի, ապրումների և ներքին դատարկության մասին է, որը հնարավոր կլինի լցնել միայն, երբ հերոսը գտնի ներքին խաղաղություն։

Բեմադրիչ՝ Դավիթ Խալաթյան
Դերակատար՝ Հայկ Դարբինյան
Նկարիչ անիմատոր՝ Լառա Մուսայելյան
Վիզուալ էֆեկտ՝ Նիկիտա Մոնախով

«Եվ եղավ սերը» պոեզիա-ներկայացում է սիրահար զույգի մասին: Նրանք հանդիպում են, հիշում իրենց անցյալը, կրկին սիրում, վիճում, հաշտվում, պարզաբանում իրենց հարաբերությունները և ճանապարհներ փնտրում միմյանց չկորցնելու համար։

Գեղարվեստական կոնցեպտ՝ Տաթև Հովակիմյան
Բեմադրիչ՝ Գայանե Անդրասյան
Դերերում` Տաթև Հովակիմյան, Սամվել Թոփալյան
Թավջութակ` Արփենիկ Հակոբյան
Պրոդյուսեր՝ Լիանա Պողոսյան, Լուսինե Ազնաուրյան

«Հեքիաթներ հեռախոսով» ներկայացումը բաղկացած է հինգ հեքիաթից: Հեքիաթների հերոսների հետ միասին երեխաները մասնակից են դառնում նաև ներկայացման ընթացքին ։

Այդ հինգ  հեքիաթում առկա է մեկ ընդհանուր միտք  ՝ աշխարհը հրաշալի է , և մեզանից յուրաքանչյուրը պետք է ջանք չխնայի այն էլ ավելի հրաշալի դարձնելու համար։

Բեմադրիչ` Գայանե Անդրեասյան

Դերերում` Գեորգի Հովակիմյան, Ռուդիկ Մարտիրոսյան, Մարի Գրիգորյան, Միլենա Ավանեսյան, Անդրանիկ Աբրահամյան, Ալիսա Մարաբյան

Ըստ Հ․ Թումանյանի համանուն հեքիաթի
Մանկական ներկայացում մեկ գործողությամբ

Դերերում՝ Սարգիս Վարդևանյան, Սրբուհի Բալայան, Մարի Գրիգորյան,
Լուսինե Ավանեսյան, Միլենա Ավանեսյան, Վահագն Գասպարյան, Կարեն Անտոնյան, Գեորգի Հովակիմյան, Գոռ Մարտիրոսյան

Բեմադրիչ՝ Գառնիկ Սեյրանյան
Բեմանկարիչ՝ Աշոտ Համբարձումյան
Զգեստների նկարիչ՝ Մելանյա Մաքսապետյան
Կոմպոզիտոր՝ Արա Գևորգյան
Պարերի բեմադրիչ՝ Գագիկ Կարապետյան